Da Mönch Philip eafoad vona geplanten Vaschwörung und vazeits am Erzdiakon Waleran. Dea heifd am Philip na zum Prior vom Benediktinerkloasta Kingsbrigde gwäit zum wean und werd mid da Huif vom Philip zum Bischof. Da Waleran gibt de Gschicht an die Hamleighs weida, de den Verschwörer Bartholomäus von Shiring eh ned so meng, wei sei Dochda Aliena ned eanan Sohn William heiran wui. Die Hamleighs nimma dann an Bartholomäus sei Buag ei. Deawei ziagt da Baumeista Tom durchd Gegnd und sucht Oabat. Undawegs stiabt sei Frau ais des dritte Kind zua Weid bringd und da Tom lernt de Hex Ellen kenna. Wei de Kathedrale vo Kingsbrigde obbrend, stead da Philip an Tom ei, dassa a neie baud. Di konna si aba kaum leistn. Desweng geda mim Waleran zum Bischof um füa de aufdeckte Vaschwörung blohnt zu wean. Da Waleran wui eam aba übas Oa haun, weswenga si mid de Hamleighs zamduad de a die Grafschaft Shiring woin und eam a bissl wos obgem. Da Waleran setz se desweng in Kopf de Kathedrale unda alle Umstend zvahindan. D' Aliena ziagt mit iam Bruder midllos umand bis auf de Idee kumt mit Woi zhandln. Sie wead reich, ziagt nach Kingsbridge und valiebt sie in de Ellen ian Sohn Jack. Da Waleran duad si mid de Hamleighs zam de an Woimagt vo Kingsbridge übafain, wo da William an Tom umbringt. Da Alfred baud weida aba leida kons dea ned so guad, so dass dea Bau eigstead wead. Da Jack und da Alfred san si so zwida, dass da Jack nach Spanien auswandat, as da Alfred d'Aliena heirad. De hodn Alfred aba nu wegem Geld gheirad, weis seid dem Üderfai wieder nimma so reich is. De Ehe laufd aba ned so guad und Aliena ziagtm Jack hinda her. Sie findn dann a und de Zwoa wandan wida zruck. Undawegs kimd da Jack auf a neie Gschäftidee und beschliast außadem, dass so gotische Kicha eigntlich vui schena wa. Da Jack baud an dea Kathedrale dann weida. Da Aliena ia Bruder Richard stead se an de Spitzn vo am Aufstand gega den unbeliebtn William und wead neia Graf von Shiring und de Kathedrale wead endlich featig. Da William wird wega Mord ghängt und da Philip wead stattm Waleran Bischof, wega so na oadn Gschicht. Er hod zam mim oadn Hamleigh und dem Prior vorm Philip dafüa gsoagt, dass an Jack sei Vadda ghängt wead. Am End is da Philip am Ziel seina Dram und des Guade hod gwunna.