Da Bahnwärter Thiel des is oana wia du und i. In easda Ehe wara mit da Minna vaheirad, vo derra heid no dramd. A Kind homs a kriagt: an Tobias. Leida isd Minna aba im Kindsbed gstorm, so dass da Thiel a zwoads Mai gheirad hod, nämlich die Lene. De is a bissal a kräftigaras Gmüt wiad Minna und midm Tobias vastehd se se ned so guad. Oamai gehds midm Thiel zu seine Abad mid, weis a nebam Gleis a neis Feid gkriegt hom und nimd an Tobias und ia eigns Baby mid. Do wead da Tobias auf oamai vo am Zug übafan, weid Lene ned aufbasst hod. Na hoids da Thiel nimma aus und wead deppad. Desweng bringas eam dann a ind Klapsmuin. Voaha bringda aba no sei Frau und des zwoade Kind um.