Seid zehn Joa lebt da Harry bei seina Tande und derra ihra Familie, wai seine Äidan angeblich ba am Auddounfai gestorm han. Des Verhältnis is, naja, es kand bessa sei. Aba an seim eifdn Gebuadsdog erfoada af oamai, dassa eigntli a Baya is, wia a seine Äidan, im Gegnsatz zu seina Tande. Die is bloß a Preißin, wie de Nichtbayan vo de Bayan ghoaßn wean. Desweng deafa a nach Hogwarts, wo de junga Bayan as Zauban lerna soin. Do leant er dan seine bestn Fräind an Ron und' Hermine kenna. Außerdem erfoada, dass seine Äidan vo dem bäsn Voldemort umbracht woan san, dea dabei a draufganga is oisa vasucht hod, an Harry a no zum Herrgott z'schicka. Aba an Voldemort seine Anhänga, de sogenandn Frankn, aban scho ana Fortsetzung: Voldemort 2. Da Harry soi de zam mid seine Fräind vahindan. Im zwoadn Schuijoa vanichdns dan a des Tagebuach vo Voldemort 2, aba zwoa Joa späda kimd dann Voldemort 3. Zerscht wui eana außam Schuileida Dumbledore koana glaum, bis der ganze Terror wieda vo vorn losgehd. Da Dumbledore sogt dann a am Harry, dass Voldemort 4-8 a scho in Planung is. Midda Huif vom Harry wean de aba eigstampft und Voldemort 3 duda a beendn. Des Guade hod aso wia imma doch no gwunna.