Da Siegfried is so richdig stak. Mei vazeid soga, dass ein Dracha daschlong häd und jetzt duach des Drachnbluad unvawundba is. Aiso fast. Außadem kead eam da Schatz vo de Nibelungen samt Tarnkappn. Am liabstn wui a Kriemhild heiran, aba des gead east, wenn ia Bruda da Gunther a Frau hod. Mid seina Tarnkappn vaklickat da Siegfried da stakn Brunhild, dass da Gunther no stäka is und si heirad an Gunther. Und da Siegfried heirad d'Krimhild. Friede, Freude Eiakuacha kand ma moana. Aba da Hagn siegd des ned so und wui den Schatz. Zam middam Gunther brinda an Siegfried um, de bleda Weise doch ned ganz unvawundba is. Da Kriemhild schöad auf Rache und heirad in Ungarn ei. A boa Joa späda kummds zam Kriag zwischn am Gunther und da Ungarn und am End sans alle hi.