Sekshundat Joa noch dem eastn Model T wean ned nua Auddos massnweise produziad. Dank modeana Biologie, am supa Stof und neista Methodn zu Hirnwäsche, äh Normung, is Jeda glücklich, wurscht oba a siemgscheide Alpha is oda a strunzdumma Epsilon. Außa vielleicht am Sigmund, dea a weng zkloa is. Oisa oamai in Ualaub nach Mexiko fad bringda den Wuidn Michel mid. Am Michel gfad de modeane Zivilsation aba ned so ganz, weia da ned unglücklich sei deaf. Desweng machdas wia da Romeo und beendet sei Lem voazeitig.