Voa langa Zeid was am God a weng fad, weis d'Weid no ned gem hod. Aiso hodas easchaffa und zwa in nedamoi a Woch. Und ais Adam und Eva san alle Leid woan. Iagendwenn hodda si da God oan vo denna ausgsuacht, aiso auseawäid, dass da des auseawäide Voik gründet. Abraham hodda ghoasn. Sei Enke Jakob, oda a Isreal ghoasn, hod zwäif Buama ghoan. Oane vo dena, da Josef, hod an Ägüpnt den "Egyptian Dream" vom Sklavn zum Beamtn woa gmacht. Desweng hoda sein Vatta und seine Briada noch. A boa Genarationa späda wein de Nachkommen vom Jakob aba blos no ais Sklavn missbrauchd. Desweng Eapressd da Moses an Pharoa mid a boa naja "Eaeignisse" und ziagt mideane duchs roade Mea (übas Wassa laufa homs no ned kinna) nach Kanaan. Untewegs hod si da Moses am Sinai aba no zwoa Dofen ob, an de ma si heid no haidn muss.