A boa Buama landn auf na einsamen Insl, wei des Flugzeig midems voam Atomkriag evakuiad wean soin obstüatzt. Zum Glück hod da Ralph mid seim Muschlhoan aba ais im Griff. Jaguad, de Kloana hom Angst voa am Monsta, aba sonst hoda ais im Griff. Bis aufn Jack dea Demokratie ned so supa find, bsondas wenna ned da Schef is. Aiso machda sein eigena Stamm auf, middema aufd Jogd gehd. Zerscht metzlns Sei, dann an Simon,der vom Hea vo de Fliang d'Erkendnis griagt hod, und an Piggy (englisch füa Sau), und am Schluss woins an Ralph schlachtn. Na kummd aba grod no rechtzeitig a Soldat und rettets. Da hod da Ralph ja nomai Glück ghabt, dassa dem Kriag entkumma is, oda?