Da reiche Phileas Fogg is, wia da Nama scho sogt, ungefea so duachsichtig wia da Nebe. Ea is da genaueste Mensch vo ganz London, mindastns. Oamai wetta mid seine Freind um sei haibads Vamögn, dassas schafft in achzg Dog umd Weid zum reisn. Und zwa one Flugzeig! Mia san ja schliaßlich im neinzendn Jahundad. Aba kuaz nachdema mid seim Batla losfad, moant de Polizei, ea häd a Bank übafain und wui se etz ausm Staub macha. Da Inspekta Fix findn in Suez und reist eam um de ganze Wead hindahea und am Fix hindahea reist da Haftbefehl. In Indien retta dann d'Aouda voam Doad und nimmts mid. Wieda in England hod da Fix endlich sein Haftbefehl und nimdn Fogg fesd. Da echda Raiba sitzt aba scho lang im Knast aisa wead da Fogg freiglassn. Leide um 5 Minudn zspad, wia da Fogg moand. Zum Glück hodda sie da genaueste Mensch vo ganz London (mindastns!) aba varechned und so doch nu gwonna. Obwoia etz doch ned am is heiradn Aouda.