Die Franz is a ganz a ausgschamda Hund. Um sein Bruada Karl ausm Weg zschaffa und sie den de Grafschaft vo seim Vadda Max undan Nogl zreißn, feaschda soga Briaf. De Max moant dann da Karl mogn nimma und da Karl wead a ganz a beasa Reiba, weia moant da Max hädn vastoßn. Dann macht se da Franz an de Freindin vom Karl, de Amalia, ro, aba de stehd ned auf eam. Damida etz endlich da Grafschaft eam kead, schickta an foischn Botn, dea vazeid da Karl wa gstorm. Da Max vakrafft den Schock aba und so sperdn da Franz inan Tuam. Deawei bschliaßt da Reiba Karl wida hoamzkemma aba undercover. Da Franz spand aba wos und wuinan umbringa lassn. Da Karl find im Woid sein Vadda und schickt an Kumpe los um se am Franz zrächa. Dea is aba leida schnella und bring se seiba um. Na erschiaßt da Karl d' Amalia aus Liebe und liefad sie seiba aus, weil as nimma eatrong ko, dass da Franz sei Lem vapfuscht hod.